Lo Conselh de la Lenga Occitana torna afortir son estacament a la nòrma establida per Loís Alibert (en particular dins la Gramatica Occitana, segon las formulacions de son edicion de 1976).

Tocant las divergéncias graficas que trebolan l'usatge dempuèi qualques annadas, lo Conselh a adoptat l'ensem de las solucions rapeladas çai-dejós, e las preconiza a totes los usancièrs de la lenga occitana. Lo Conselh vòl aital respondre al besonh d'una causida dins de cases que l'unitat grafica apareis uèi rompuda. La vocacion del Conselh es fondamentalament de gerir una nòrma grafica establida, de n'assegurar l'estabilitat necessària, pas de la modificar arbitràriament.

Lo Conselh demanda solemnament a totes los usancièrs, individuals, collectius o institucionals de l'occitan de li comunicar per escrich lor adesion a las solucions de retorn a l'unitat grafica qu'a pogut elaborar e que preconiza.

Una descripcion mai aprigondida de las causidas e lo tèxt de la Declaracion de Principis adoptada pel Conselh dins sa primièra sesilha pòdon èsser obtenguts al prèp dels membres del Conselh de la Lenga Occitana.

 Lo Conselh de la Lenga Occitana s'espèra que sas recomandacions dintraràn progressivament en practica a travèrs una fasi d'adaptacion necessària.