retorn pagina : tèmas / documents iconografics

 pagina de presentacion / questions e fica de vocabulari / sintèsi

- Apréner a comentar un document iconografic : utilisar lo vocabulari especific.

- Trabalhar a l'oral

- Fotocòpia de la primièra pagina de la benda dessenhada

- Fica de vocabulari e questions

- Fica de sintèsi de comentari

a) Projeccion de la benda dessenhada al retro-projector

- Trabalh oral a partir de las questions classicas :

qué ? ont ? cossí ? perqué ? quora ?

- Mostrar una vinheta après l'autra en daissant la seguida resconduda per "mainatjar" lo "suspens"

- Los escolans utilisan lo vocabulari que coneisson en s'ajudant un l'autre

b) Distribucion del policopiat acompanhat d'una fica de vocabulari e de questions escritas :

- Lectura del tèxt e explicacion del vocabulari inconegut

- Los escolans trabalhan en grop a la redaccion de las responsas a las questions, amb l'ajuda de diccionaris e del professor

- Mesa en comun de çò qu'an trobat, e redaccion collectiva de responsas que son escritas dins los quasèrns.

c) Distribucion e lectura d'una fica de sintèsi que prepausa maitas pistas de lectura del document.

a) orala :

Un escolan es cargat de presentar a la classa lo document que ven d'èstre estudiat.

Jòcs de las questions : un escolan pausa una question a un camarada que respond e a son torn pausa una question a un autre...

b) escrita :

Demandar de redigir lo comentari d'una vinheta de causir dins la pagina.

Demandar d'imaginar una seguida a l'istòria que ven de començar.

- Raconte de la vertadièra seguida d'aquela primièra pagina.

- Projeccion de la video (enregistrada per una escolana sur FR3)

Aquel trabalh foguèt fach al segond trimèstre amb d'escolans debutants, sus lor demanda. Lo document farà partida de la lista presentada al Bac. Aquel trabalh prenguèt 4 oras.

retorn ennaut