Lo projèct - Los objectius - Las accions d'amiar - Los partenaris

 Lo dimars 20 de heurèr de 1996, que's devanè a Tarba lo prumèr Carnavila : l'idea qu'èra de tornar hèr víver un carnaval occitan en meilòc urban.

Dus ans que's son passats shens nat Carnavila. Mès, l'escajuda de la prumèra edicion qu'a balhat enveja a quauques professors d'occitan de Bigòrra de's tornar lançar dens un navèth projèct. Qu'ei ua responsa a ua demanda deus dròlles de tornar hèr sua ua tradicion gascona plan hòrta en Bigòrra.

Aqueth Carnavila qu'ei projèct federator puishqu'amassa la lenga gascona, las expressions teatraus e musicaus : vertat qu'ei en pramor que dab los collègis que s'i gaharàn tanben las escòlas mairaus, primaris, Calandretas e quauques licèus.